Кинода Амир Темурни ўйнаган ўзбек актёри янги лойиҳада иш бошлади


Марказий Осиë кино санъатида илк маротаба Амир Темур ролини ўйнаган Ўзбекистонда хизмат кўрсатган артист Беҳзод Муҳаммадкаримов яна ижодга қайтиб янги лойиҳа устида ишлаëтганини Озодлик билан суҳбатда таъкидлади.

Ўтган асрниг тўқсонинчи йилларида ўзбек қизлари ўртасида секс тимсолга айланган ва бир муддат кўздан пана бўлган 49 яшар артист шу кунларда Ўзбекистон телеканалидаги лойиҳада иштирок этаëтганини айтди.

"Ўтган кунлар"да Отабек, "Амир Темур"да Амир Темур, "Шайтанат"да Элчин, "Абдуллатиф"да Абдуллатиф ва бошқа қатор турли характердаги бош ролларни ижро этган актёр бир муддат ижодий танаффус қилиб Америкада ижод билан боғлиқ бўлмаган фаолият билан шуғулланди.

Айни пайтда Беҳзод Муҳаммадкаримов яна ўзи учун қадрдон бўлган Миллий театр (собиқ Ҳамза номли театр)да ишламоқда.

– От айланиб қозиғини топади дейдику. Шу маънода яна санъатга қайтиб ижод қиляпман. Хозир Ўзбекистон телеканалидаги янги лойиҳа устидаги иш билан бандман. Навоий поезияси асосидаги туркум кўрсатувларда Навоий ғазалларини ўқияпман¸ дейди санъаткор.

Озодлик билан суҳбатда Беҳзод Муҳаммадкаримов ўз қалбида кундан кунга катталашаëтган орзуси ҳақида гапирди:

– Мен кинода Амир Темурнинг йигитлик даврини ўйнаганман. Ўша пайтда ëшим ҳам шунга мос эди. Ҳозир эса дунëни ишғол қилиб улкан империя яратган Амир Темурнинг етуклик пайтини ўйнагим келади. Бу борада кўп китобларни мутоала қилдим. Бу ролни жуда ўйнагим келади. Бу менинг дардли орзуим, дейди суҳбатдош.

6 Комментарии
  1. Дилфуза Маликова говорит

    Красавец.

  2. Asad Bek говорит

    Кинони каердан корсак болади?

  3. yulduz kim говорит

    Asadbek. Kinoni hayotdan kuring.

  4. Adiba Adiba говорит

    Бекзод. Ака зур актйур

  5. show go uz говорит

    бу актйор зор амо давлат пулди ксган бу актйордан бошкаси охшатомарди

  6. Baha Mirza говорит

    Амир темирни мангол деб гап чикаришиб юборган шу тугрими ? Амир темир борлос уригидан булади , мени ота бобам хам борлос уригидан булган демак биз хам мангол эканмизда узбек эмас ??? ………..

Оставьте ответ

Ваш электронный адрес не будет опубликован.

Ты бот,чё ли? *